|
დასაქმების ხელშეწყობა
აღნიშნული პროგრამა, პროფესიული და ტექნიკური საგანმათლებლო და დასაქმების პროგრამების მეშვეობით, ხელს უწყობს ბავშვებს და მოზარდებს მოახდინონ საკუთარი შესაძლებლობების რეალიზება და საზოგადოებაში ინტეგრაცია. სხვადასხვა ორგანიზაციებმა გამოიჩინეს კეთილი ნება და თავიანთი სამუშაო გარემოს საწვრთნელ ბაზად გამოყენების საშუალება მოგვცეს, მაგალითად ბავშვები მოხალისეებად მუშაობდნენ მაკდონალდში, სათბურში, იპოდრომზე, კერამიკულ სახელოსნოებში, გამომცემლობებში და “პირველი ნაბიჯის” ოფისში. მოგვიანებით, მაკდონალდმა ერთ-ერთი ჩვენი აღსაზრდელი თავიანთ ოფისში დაასაქმა და ხელფასსაც უხდის.
“პირველი ნაბიჯი” დახმარებას უწევს ოთხ ახალგაზრდას, რომლებიც დამოუკიდებლად ცხოვრობენ ერთ ბინაში და ოცდაოთხი საათის განმავლობაში აღმზრდელის მეთვალყურეობის ქვეშ იმყოფებიან. ოთხივე მუშაობს, სრულად ინტეგრირებულნი არიან საზოგადოებაში და თავიანთ აღმზრდელთან ერთად ინაწილებენ პასუხისმგებლობას ბინაზე.
დაეხმარე მეტ შეზღუდული შესაძლებლობების მქონე ახალგაზრდას იცხოვროს დამოუკიდებლად და გახდეს ქართული საზოგადოების ნაწილი
34 დოლარია საკმარისი თვეში, რომ ერთმა ადამიანმა იაროს “სოციალური თერაპიის სახლის” სახელოსნოში, სადაც ქსეროქსის ხმარებასა და სახელმძღვანელოების აკინძვას (გაკეთებას) ასწავლიან.
|
