2009 წლის 25 დეკემბერს “პირველი ნაბიჯი საქართველოს” სასწავლო დღის ცენტრში გაიმართა საახალწლო ზეიმი. დღის ცენტრის მასწავლებლებმა და მოსწავლეებმა დადგეს სპექტაკლი წითელქუდა. აღსანიშნავია, რომ მომზადების პროცესში აქტიურად ჩაერთვნენ მშობლები, მათ შექმნეს ბავშვების საახალწლო კოსტუმები. წარმოდგენის შემდეგ თოვლის პაპამ დაარიგა საახალწლო საჩუქრები, რითაც გაახარა პატარა, ნიჭიერი მსახიობები. წარმატებული პრემიერის შემდეგ გაიმართა საახალწლო სადილი, სადაც ყველანი ერთად მხიარულობდნენ.
